السلام عليكم و رحمة الله تاعلى و بركاته .
مع بنت الجزائر كل يوم وصفة كل يوم شكشوكة ههههه كل يوم طبق جديد طبعا .
 |
| شكشوكة حميص (فلفل مقلي) في 20 دقيقة |
مرحبا بزوارنا الكرام و ضيوف |موقع بنت الجزائر| كيما تفاهمنا في صفحة بنت الجزائر على الفايسبوك بلي راح يتم برمجة أوقات نشر الوصفات حتى يكون لمتابعينا الكرام التوصل بجديد الموقع من جهة و الإطلاع على جديد الصفحة من جهة أخرى .
اليوم حبيت نشارك معاكم هاذ الوصفة البسيطة و السريعة حيث قدرت نحقق الرقم القياسي في وقت إعدادها هههه و هي شكشوكة حميص | فلفل مقلي | و الوقت لي كمل فيه كلش كان 25 دقيقة و مليحة تاع الخرجات على غفلة أو العودة روطار للدار . أنا من جيهتي نحب هاذ الوصفات خاصة لما يكون عندنا خرجة للبحر ولا مع الذراري في رحلة هكذا.
- مدة التحصير : 25 دقيقة
- فترة التحضير : وقت الغداء - وقت العشاء
- المقادير : 05 أشخاص
المقادير: تحضير شكشوكة حميص - فلفل مقلي -:
- نصف كلغ فلفل حلو.
- نصف كلغ طماطم.
- 04 روس فلفل حار | ليس ضروري|.
- رأس ثوم.
- قليل من الملح.
- قليل من الفلفل الأسود المسوق.
- غصينات معدنوس.
طريقة تحضير شكشوكة حميص | فلفل مقلي |:
- نأخذ الفلافل الحارة و الفلفل الحلو نثقبوه بالفرشيطة "الشوكة" ثم نقليه .
- نحكموا نقشروه و نقطعوه قطع صغيرة .
- من جهة أخرى نأخذ الطماطم و نقشرها و نقطعوها ثاني.
- نفرم الثوم و نضع الكل في إناء و نضيف الملح و الفلفل الأكحل ، و نخليوها فوق النار الهادئة طيب في عقلها.
- بعد أن نضجت و جفت شويا نزيدولها الفلافل الحارة و الحلوة و نزيدوا نخلوه فوق النار الهادئة مرة ثانية ، ثم نصب الزيت و نترك الخليط يغلي لمدة زمنية قصيرة لينضج.
و الآن نقدم الشكشوكة مزينة بالمعدنوس و بصحتكم .
شهية طيبة.
 |
| شكشوكة حميص (فلفل مقلي) في 20 دقيقة |